2004年

世紀：	20世紀 21世紀 22世紀
年代：	1970年代 1980年代 1990年代 2000年代 2010年代 2020年代 2030年代
年：	1999年 2000年 2001年 2002年 2003年 2004年 2005年 2006年 2007年 2008年 2009年
干支年：	1月1號到1月21號係癸未年（羊年） 1月22號開始係甲申年（猴年）
年號：	民國九十三年

2004年係閏年，元旦係禮拜四。

其他紀年

• 中國
  • 中華民國：民國九十三年
• 朝鮮半島
  • 北朝鮮：主體九十三年
  • 南韓：檀紀4337年
• 日本
  • 平成十六年
  • 皇紀：2664年
• 佛曆：2546年~2547年
• 回曆：1424年11月8號~1425年11月19號
• 猶太曆：5764年4月7號~5765年4月19號
• UNIX時間：1072915200 - 1104537599
• 修正儒略日（MJD）：53005 - 53370

大件事

• 1月3號：埃及閃光航空一架包機從旅遊勝地沙姆沙伊赫起飛無耐喺紅海上空墜毀，機上148人全部罹難，包括120幾個法國旅客。
• 1月4號：美國太空總署嘅火星地面探測器勇氣號喺04:35UTC着陸火星。
• 1月5號：香港首宗地鐵縱火案。
• 1月8號：郵輪瑪麗皇后二號下水，係當時最長、最闊同最高嘅郵輪，由英女王伊利沙伯二世主持下水禮。
• 2月1號：喺麥加嘅伊斯蘭教朝聖發生人踩人意外，最少251名朝聖者死。
• 2月2號：22歲嘅瑞士網球員費達拿首次升上職業網球男子單打世界排名第一位，之後一路保持到2008年8月，以連續237個星期打破紀錄。
• 2月4號：朱克伯格同佢哈佛大學啲室友創立Facebook。
• 2月5號：2004年海地政變爆發。
• 2月6號：莫斯科地鐵發生自殺式爆炸，41人死，超過100人受傷。
• 2月28號：228百萬人手牽手護台灣，係臺灣史上最大規模嘅運動。
• 3月11號：西班牙馬德里市郊四列火車畀恐怖份子用炸彈襲擊，192死2057傷。（es:Atentados del 11 de marzo de 2004）
• 3月12號：南韓國會通過對總統盧武鉉嘅彈劾議案，交南韓憲法法院對彈劾案作出最後嘅裁決，係南韓史上首次。
• 3月14號：中華人民共和國第十屆全國人民代表大會第二次會議正式將《義勇軍進行曲》作為國歌嘅條文寫入去憲法。（第四章第一百三十六條第二款：「中華人民共和國國歌是《義勇軍進行曲》。」）。
• 3月19號：中華民國總統陳水扁喺競選活動最後一日中槍受傷，是為「三一九槍擊事件」。
• 3月20號：第11屆中華民國總統選舉，尋求連任嘅陳水扁同呂秀蓮以唔到三萬票贏咗。
• 3月24號：馮錦華、張立昆等7個中國民間保釣人士首次成功登陸釣魚島。
• 3月27號：美國太空總署X-43A實驗機喺太平洋約莫95,000英尺上空中以6.8316倍音速飛咗11秒，畀健力士世界紀錄確認爲當時世界上最快嘅進氣（air breathing）飛機。
• 3月29號：保加利亞、愛沙尼亞、拉脫維亞、立陶宛、羅馬尼亞、斯洛伐克同斯洛文尼亞七國加入北大西洋公約組織。
• 4月5號：第9屆印尼立法機構選舉。
• 4月22號：北韓龍川火車站爆炸。
• 4月27號：由尖沙咀海濱長廊改建而成嘅香港星光大道開幕。
• 5月15號：當時最大嘅質數2^24036583−1，由Josh Findley同GIMPS一齊揾到。
• 5月17號：天津財經學院改名做天津財經大學。
• 5月17號：美國麻省將同性婚姻合法化。
• 5月18號：澳門首間非澳門博彩旗下嘅賭場，位於澳門漁人碼頭旁邊嘅金沙賭場開始營業。
• 5月20號：陳水扁喺台北宣誓就任中華民國總統。
• 6月1號：2004年環球小姐競選喺厄瓜多爾基多舉行，澳洲代表珍妮花鶴堅絲攞冠軍。
• 6月8號：一百年嚟首次金星凌日。
• 6月14號：珊瑚海群島同性戀王國成立。
• 6月16號：騰訊控股喺香港交易所上市，上市價3.7港元。
• 6月21號：太空船一號完成咗第一個私人資助嘅太空飛行。
• 7月4號：2004年歐洲國家盃足球賽，希臘隊以一比零打贏主隊葡萄牙隊攞冠軍。
• 7月5號：第4屆印尼總統選舉首輪投票，係印尼喺2002年修訂《印度尼西亞憲法》後首次舉行印尼總統選舉，蘇西洛同梅加瓦蒂進入9月20號嘅第二輪投票。
• 7月11號：第20屆日本參議院議員通常選舉。
• 8月5號：廣州白雲國際機場啟用。
• 8月8號：香港馬王「原居民」因絞腸痧重病而被人道毀滅。
• 8月13號到8月29號：2004年夏季奧林匹克運動會喺希臘雅典舉行。
  • 8月27號：2004年夏季奧林匹克運動會男子110米跨欄決賽，中國運動員劉翔喺雅典奧林匹克體育場跑出12秒91平世界紀錄，並同時打破奧運紀錄12秒95。
• 8月29號：第2屆澳門行政長官選舉，由何厚鏵連任。
• 9月1號：車臣分離主義武裝喺俄羅斯北奧塞梯共和國別斯蘭脅持1200幾個人質。
• 9月12號：第3屆香港立法會選舉。
• 9月14號：東突厥斯坦流亡政府喺美國華盛頓特區成立。
• 9月18號：建造業工人註冊管理局成立，負責執行同管理香港建造業工人註冊制度。
• 9月19號：江澤民辭咗中國共產黨中央軍事委員會主席職務，由胡錦濤接任。
• 9月20號：第4屆印尼總統選舉次輪投票，由蘇西洛當選。
• 10月9號：第1屆阿富汗總統選舉，由卡爾扎伊當選。
• 10月14號：中華人民共和國同俄羅斯聯邦簽訂《中華人民共和國和俄羅斯聯邦關於中俄國界東段的補充協定》，確定黑瞎子島同阿巴該圖洲渚地區嘅歸屬問題。
• 10月22號（重陽節）：香港兩架紅色小巴喺北角英皇道互相搶客而超速撞車，做成2死17傷。兩名司機喺2005年年尾被判罪名成立坐監。
• 10月24號：香港嘅九廣東鐵（家下港鐵東鐵綫）尖沙咀支綫通車，增設尖東站。
• 10月31號同11月21號：第4屆烏克蘭總統選舉兩輪投票，後來發現選舉舞弊，於是爆發大規模抗議。第二輪投票要喺國際觀察員監察之下重新舉行。
• 11月4號：由連戰同宋楚瑜提出嘅總統選舉陳水扁、呂秀蓮「當選無效訴訟案」，臺灣高等法院經7個幾月嘅審理判決連、宋敗訴，國親陣營話會上訴。
• 11月13號：懷俄公國由澳洲雪梨郊區嘅莫斯曼自治市獨立。
• 12月17號：不丹政府宣佈全國禁煙令，係世界上第一個全面禁煙令。
• 12月21號：香港九廣鐵路馬鞍山鐵路（家下港鐵馬鞍山綫）通車。
• 12月26號：印尼蘇門答臘對出嘅海底發生地震，引發海嘯，印度洋沿岸多國受災，超過29萬人死。
• 12月26號：第4屆烏克蘭總統選舉次輪投票重新舉行，由尤先科當選。
• 12月28號：深圳地鐵1號綫同4號綫開通。

響呢年出世嘅人

• 1月16號：熊子逸，香港童星
• 5月4號：谷花音，日本細路女配音員
• 6月17號：鈴木福，日本童星
• 6月23號：蘆田愛菜，日本童星
• 7月16號：陳彥霖，2019年陳彥霖案死者
• 8月31號：黃可盈 (童星)，香港童星
• 8月31號：張員瑛，南韓組合IZ*ONE成員
• 9月1號：葉天諾，香港童星
• 11月7號：ゆな，日本模特兒同YouTuber
• 11月22號：溫玄燁，臺灣童星，外號「小小彬」
• 岑小林 (運動員)，中國跳繩運動員

響呢年死嘅人

• 1月3號：閔智亭，中國道教協會會長
• 1月3號：馬文瑞，中國人民政治協商會議全國委員會副主席
• 1月12號：陳汝佳，中國歌手同演員
• 1月18號：金堯如，《文匯報 (香港)》總編輯
• 2月5號：臧克家，中國現代詩人
• 2月14號：埃凡德羅·莫拉，巴西政治人同工程師
• 2月14號：楊成武，中國共產黨黨員，無產階級革命家、軍事家，中國人民政治協商會議第六屆全國委員會副主席，中央軍委原常委、副秘書長，中國人民解放軍原代參謀長
• 2月17號：波蒂略，墨西哥總統
• 2月21號：黎婉華，澳門賭王何鴻燊元配，後生時外號「澳門第一美人」
• 2月21號：亞克里修莫雷拉達羅差，巴西牙醫同政治人
• 3月4號：余麗珍，香港粵劇同電影演員
• 3月5號：鴇田正憲，日本足球員
• 3月16號：劉鈞 (圍棋手)，中國圍棋手
• 3月20號：朱麗安娜女王，荷蘭王太后
• 3月21號：蔡繼琨，中華民國作曲家、指揮家同教育家
• 3月22號：哈辛，伊斯蘭激進組織哈馬斯創建者同精神領袖
• 3月22號：潘霞，中國電視劇導演
• 3月26號：加茂健，大日本帝國足球員
• 4月15號：橫山光輝，日本漫畫家，原名橫山光照
• 4月24號：張岱年，中國哲學家、哲學史家同國學大師
• 5月9號：Кадыров, Ахмат Абдулхамидович，車臣共和國頭一任總統
• 5月15號：楊善深，中國嶺南畫派畫師
• 6月1號：常香玉，中國豫劇演員
• 6月5號：朗奴列根，美國總統
• 6月8號：蔡濯堂，中國作家，筆名思果
• 6月21號：布左拉，巴西工程師同政治人
• 7月1號：馬龍白蘭度，美國演員
• 7月12號：郭全寶，中國相聲演員
• 7月28號：法蘭西斯·卡里卡，英國生物學家
• 8月3號：昂希·卡鐵耶－布希崇，法國攝影師，被譽為其中一位「新聞攝影之父」
• 8月14號：米禾舒，波蘭作家，諾貝爾文學獎得主
• 8月18號：艾瑪伯恩斯坦，美國作曲家同指揮
• 8月24號：戴磊華，香港警務處處長
• 9月24號：Françoise Sagan，法國小說家、劇作家同編輯
• 9月27號：蔡萬霖，臺灣企業家，死時名列臺灣首富，全球富豪排行第94名
• 9月30號：戴雅文，澳洲司典
• 10月8號：德希達，法國哲學家
• 10月10號：基斯杜化里夫，美國演員，電影《超人》主角
• 11月6號：何添，創辦香港恒生銀行
• 11月9號：張純如，美國作家，著有《The Rape of Nanking》
• 11月11號：阿拉法特，巴勒斯坦解放運動領袖，諾貝爾和平獎得主
• 11月24號：黃霑，香港填詞人、廣告人、作家、傳媒創作人，原名黃湛森
• 11月27號：蕭笙，香港電視人
• 12月3號：陳省身，美國數學家，南開大學教授
• 12月4號：梁恩佐，美國物理學家
• 12月15號：蔣方良，蔣經國夫人
• 12月23號：拉奧，印度總理
• 齋藤才三，大日本帝國足球員

響呢年死嘅其他事物

• 8月8號：原居民 (馬)，香港馬王

文學

• 《黑夜之後》（アフターダーク）：日本小說家村上春樹嘅長篇小說。