黃宜弘

黃宜弘
姓名原文	黃宜弘
出生日	1938年12月23號
出生地	泉州
死亡日	2021年6月6號  （82歲）
死亡地	美國
死因	腦癌
國籍	中華人民共和國
母語	中文
通曉	中文、英文
母校	柏克萊加州大學、加利福尼亞海岸大學
職業	生意人、政治人
政黨	新香港聯盟
配偶	梁鳳儀
阿爸	黃克立
[改維基數據]

黃宜弘，GBS（Philip WONG Yu-hong，1938年12月23號—2021年6月6號）係香港政治人物，1991年到2012年做香港立法會議員，1998年到2013年做香港特別行政區全國人民代表大會代表。福建泉州出世。

背景

佢阿爸黃克立曾經喺抗日戰爭打贏咗之後出任台灣台中市長。後來黃克立成為全國政協常委、首批大紫荊勳章受勳者之一。佢老婆係財經小說作者梁鳳儀。

據香港立法會網站資料，黃宜弘係美國修蘭大學法學博士。

佢係永固紙業有限公司主席，其他職務包括有合興（集團）有限公司董事、亞洲金融集團有限公司董事、亞洲保險有限公司董事、金利來集團有限公司董事、商務印書館（香港）網上書店有限公司董事。公職方面，佢係第九屆、十屆全國人大代表、香港特別行政區立法會議員（商界（第二）功能界別）、香港貿易發展局理事、香港瓦通紙業廠商會榮譽會長及香港出版總會名譽會長。

政途

自1991年到2012年，黃宜弘一直循商界（第二）功能界別（選民以香港中華總商會會員為主）進入立法會。由於嗰個組別一直都靠內部推舉代表，所以黃一直以來都響冇其他參選對手之下自動當選。

2003年7月9號，大批市民響香港立法會門外舉行集會，慶祝成功反對基本法23條，集會人數有三萬幾人。當時有支持23條立法嘅議員，響行出立法會大樓時畀示威群眾謾罵，黃宜弘就舉起中指，做出不文手勢向示威群眾還擊。之後，佢因為呢個舉動受到傳媒同社會猛烈批評。後來佢向公眾道歉。

喺2004年第三屆立法會第一次財委會主席選舉中，黃宜弘以28比30票畀前綫嘅劉慧卿擊敗，有人認為係早餐派所組成嘅「泛聯盟」倒戈相向。當時佢拒絕鄭經翰嘅提名參選財務委員會副主席。佢擔任過政府帳目委員會主席一職。

2012年，黃宜弘宣佈唔再冧莊商界（第二）功能界別立法會議員。

晚年

黃宜弘晚年移居加拿大，2016年患過肺癌一度好返，但2020年復發，重去到美國醫，2021年4月，由於佢嘅肺癌擴散到腦，搞到佢一直昏迷，直到同年6月6號夜晚（美國時間）瓜老襯，享年82歲。

出面網頁

• "香港特別行政區立法會 - 議員資料庫" (中文). 香港特別行政區立法會.
• "二○○三年授勳名單" (新聞稿) (中文). 香港政府新聞公報. 2003年7月1號.
• "永遠榮譽會長 - 黃宜弘博士 金紫荊星章" (中文). 香港中華總商會.
• 顧問 | Advisors—顧問 2019－2021，民主建港協進聯盟
• "黃宜弘, 博士 - 澳門城市大學 - 商學院" (中文). 澳門城市大學商學院.
• 香港，香港立法會：2005年4月19日議員個人利益監察委員會會議的文件
• 香港網絡大典：黃宜弘

Template:香港特別行政區第二屆立法會議員 Template:香港特別行政區第一屆立法會議員