香港電視廣播

香港電視廣播喺1957年就已經開始有，由麗的映聲提供收費有線電視，而頭一間提供免費地面電視廣播嘅機構係無綫電視，喺1967年啟播，第三間電視台就係佳藝電視，喺1975年開台，不過因為唔同原因，佳視做咗3年就打柴。

當今香港有三間商營免費電視台：無綫電視、香港電視娛樂、奇妙電視；一間公商營免費電視台：港台電視；同兩間商營收費電視台：香港有線電視、now寬頻電視。