香港相關議題喺台灣政治嘅角色

香港台灣地理位置接近,而且同樣以華人為主,亦同樣使用正體中文。唔少香港人都會對台灣政治有所關注,一啲香港相關嘅議題甚至會對台灣政治有一啲影響。

部分香港人對台灣議題嘅倡議關注

  • 香港前途關注組喺2017年8月18號,向關注香港民主連線18名立法委員發表公開信提出多點要求,包括將中華愛國同心會同埋中華統一促進黨宣告為非法組織,並將所有相關人士逮捕[4][5]

香港人同埋香港議題喺台灣選舉入面嘅角色

香港人去台灣觀看選舉嘅文化

喺多次總統大選入面,都有唔少香港人、議員、學生同媒體,去到台灣直擊選舉情況。

其中喺2016年嘅大選期間,台灣嘅中華港澳之友協會副會長張仕賢就透露,呢次「觀選團」有成27個,其中華人民主書院組織嘅港澳觀選團規模就達100人,包括多位香港雨傘運動的年輕領袖,如黃之鋒周永康羅冠聰等,仲未計政府機構、其他單位同埋個人來台觀選嘅數目[9]

有部份意見就認為,香港人長年無辦法爭取真正嘅普選,嚟台灣觀戰係有一種『療傷』、『取暖』嘅感覺[9]。另外,由於中國共產黨嘅進逼,促成台港命運共同體。特別係2020年中華民國總統選舉,香港人擔心親中派韓國瑜一旦當選,台灣可能淪為下一個香港[10]

香港反送中運動同台灣有關嘅事

反送中運動入面,唔少台灣媒體都有關注,而包括總統蔡英文在內,唔少台灣政府嘅人都曾經表明支持香港人[11],而蔡英文聲援反送中,亦令佢喺2020年中華民國總統選舉入面嘅支持度同主要對手韓國瑜拉闊。喺一啲助選活動亦見到支持蔡英文嘅香港人身影,甚至有「光復香港 時代革命」黑旗飄揚,亦有人高喊「台灣加油,香港加油」,為蔡英文打氣[12][13]。而蔡英文最終成功連任。

香港黃色經濟圈聲援台灣

反送中運動衍生咗黃色經濟圈出嚟,有啲黃色經濟圈參與者亦有時將支持同影響力延伸去到台灣。例如,

  • 有啲移民去台灣嘅香港人就開設咗黃店,當中除咗擺放一啲聲援香港反送中運動嘅物品外,亦有行動支援喺武漢肺炎疫情期間工作量大增嘅台灣醫護[14]
  • 喺2021年3月,中國內地宣布暫停進口台灣出產嘅鳳梨,搞到當地農民失去好多訂單,結果引發港人加入搶購熱潮。油尖旺區議員林兆彬就認為,香港人對中共以藉口打壓台灣農民睇唔過眼,紛紛以行動隔岸撐台灣[15]

運動後港人來台難處

喺北京單方面未經香港人同意落實《港版國安法》同埋修改選舉制度後,香港出現移民潮,有人選擇台灣,但佢哋之後申請居留同定居許可都有困難,有啲媒體形容台灣似乎正收緊對移民港人嘅審批[16]

其中喺中國大陸出世嘅香港人,就被指單純因為喺大陸出世而被拒[16][17]。亦有因為唔肯宣誓而離開香港政府嘅前公務員或者短期合約員工,申請來台被拒[18][19]。另外,有曾經做過香港法定機構但實則唔係政府體制入面或公務員一分子嘅人士申請喺台灣定居,申請亦被拖延[20]。就算係反送中運動嘅前線抗爭者去到台灣,但台灣無《難民法》同庇護機制,要喺台灣生活只能通過循「就學」或「就業」兩個途徑,但前提係要有相關簽證同居留身分[21]

有唔少人在台港人批評台灣政府,部分觀點包括:

  1. 點解唔早啲講清楚呢啲限制[16],事實係反覆無常,任意搬龍門[22]
  2. 喺邊度出世根本無講揀,假如喺中國大陸出世係拒絕定居理由,點解當初又批准當事人前嚟居留?[22]

有啲人結果轉而選擇其他國家[22],亦有抗爭者感嘆台灣政府對佢哋做成二度傷害[19],自己被蔡英文遺棄,覺得香港抗爭者變成咗蔡英文嘅政治手段同籌碼[21]。另外,亦有立委以國家安全為理由,反對政府聲援香港人嘅行動。其中民進黨立委林靜儀多次發佈關於香港人嘅虛假信息並藉此攻擊香港人,聲稱香港喺2012年開始進行內部國民教育洗腦工作,質疑聲援香港人,開放無居留資格嘅港澳居民來台就讀高中嘅措施[23]。但係喺2012年,香港政府準備推行原定計劃,結果民間發起大規模[24][25],成功令政府擱置計劃[26]。林靜儀說法,和事實並唔相符。

陸委會原定2022年5月1號公佈放寬從事專業工作港人在台申請定居門檻嘅措施,但之後因為外間嘅國安疑慮而暫緩。時代力量批評,有啲人將恐懼無限放大,又指中共間諜要滲透,可以透過結婚、經商等名義,根本唔使搵工或申請定居,並以愛國同心會嘅張秀葉同埋國軍少將嘅共諜鎮小江做例子。甚至,只要攞到第三國國籍,台灣法律之下彈性就更加大,而以港人身份,喺原定建議措施下憑藉香港人身份攞到定居,反而係時間成本最高嘅下下之選[27]

不過,陸委會就話「撐港」唔係得個講字,而係有持續作為[16],對陸生港人申請亦唔係一刀切[22],但對個別個案就唔能夠評論[21]

睇埋

參考

  1. "香港學生集會聲援台灣反服貿太陽花學運". BBC News 中文 (中文). 2014-03-30. 喺2022-06-01搵到.
  2. 李思朗 (2016-01-16). "【台灣大選】何韻詩王宗堯心痛周子瑜 黃秋生怒斥:盡現兇殘". 香港01 (中文). 喺2022-06-01搵到.
  3. 娛樂星聞 (2016-01-19). "能理解JYP!見周子瑜顫抖道歉 何韻詩:她自己也有責任 | 娛樂星聞". star.setn.com (中文). 喺2022-06-01搵到.
  4. 徐亦超. ""港独"致信台"立法院"提疯狂要求:禁止香港爱国人士来台,把岛内统派抓起来!". m.huanqiu.com. 原先內容歸檔喺2019-02-20. 喺2017-09-03搵到.
  5. "香港前途關注組 Hong Kong Future Concern Group". www.facebook.com (中文). 原著喺2019-02-20歸檔. 喺2017-09-03搵到.
  6. "高雄加油! DQ賣國瑜!". www.facebook.com (中文). 原著喺2020-12-21歸檔. 喺2020-06-06搵到.
  7. "阮民安 - Tommy". www.facebook.com (中文). 喺2020-06-06搵到.
  8. Storm.mg (2021-01-18). "幕後》不忍了!國民黨「報復性罷免」激化對立 民進黨將出招反擊-風傳媒". www.storm.mg (中文). 喺2021-10-05搵到.
  9. 9.0 9.1 蔣金; 孫賢亮. "三步一個香港人的台灣大選,一場民主療傷之旅". theinitium.com. 喺2022-06-01搵到.
  10. 聯合新聞網. "甄梓鈴/2020台灣大選的香港因素:為何港人湧台觀選? | 特約作者". 鳴人堂 (中文). 喺2022-06-01搵到.
  11. "蔡英文談「反送中」:台灣不會做為惡法的幫兇|天下雜誌". 天下雜誌 (中文). 喺2022-05-04搵到.
  12. "香港「反送中」抗議:藍綠說法如何影響台灣總統大選走向". BBC News 中文 (中文). 喺2022-05-04搵到.
  13. 聯合新聞網. "甄梓鈴/2020台灣大選的香港因素:為何港人湧台觀選? | 特約作者". 鳴人堂 (中文). 喺2022-06-01搵到.
  14. "抗共添生力軍 香港新移民分享台灣新生活 - 大紀元". 大紀元 www.epochtimes.com (中文). 2021-09-20. 喺2022-06-13搵到.
  15. "【鳳梨之戰】港人熱搶台灣鳳梨 林兆彬:黃色經濟圈支援到海外 - 大紀元". 大紀元 www.epochtimes.com (中文). 2021-03-10. 喺2022-06-13搵到.
  16. 16.0 16.1 16.2 16.3 "【移民潮】港人移民台灣審批趨嚴 首二月獲批數字下跌25%". Radio Free Asia (中文). 喺2022-05-04搵到.
  17. 【在台港人因大陸出世入籍失敗 考慮回港申請BNO再移英】 (英文), 喺2022-05-04搵到
  18. "【請別一刀切】【不滿獨裁管治 無宣誓的前公務員】". www.facebook.com (英文). 喺2022-05-04搵到.
  19. 19.0 19.1 "【被拒個案】【怱忙辭職一家來台 因曾任職港府部門合約員工被拒入籍】". www.facebook.com (英文). 喺2022-05-04搵到.
  20. "【請別一刀切】【捍衞公義人權 香港醫護從不缺席】". www.facebook.com (英文). 喺2022-05-04搵到.
  21. 21.0 21.1 21.2 聯合新聞網 (2021-06-13). "香港反送中兩周年 抗爭者嘆:被蔡英文遺棄". 聯合新聞網. 喺2022-05-04搵到.
  22. 22.0 22.1 22.2 22.3 "【港人移台】大陸出生成「原罪」?至少40個案申請受阻 陸委會:未能獲批比例極低". Radio Free Asia (中文). 喺2022-05-04搵到.
  23. "【認知作戰】中國提供資金給台灣「網紅」 陳明通證實進行處理". Radio Free Asia (中文). 喺2022-05-17搵到.
  24. "親子齊心反洗腦9萬人上街". 蘋果日報. 2012-07-30.
  25. "70多名學民思潮成員政總外紮營請願". 香港電台. 2012-08-30.
  26. "擱指引 國教科名存實亡 梁:不會撤科 大聯盟收貨:等同撤科". 明報. 2012-10-09.
  27. "新聞與聲明". 時代力量 New Power Party (中文). 喺2022-05-19搵到.