香港公營機構

Hkpol.png

呢篇文係香港政治系列之一
憲制文件
行政長官李家超
政府組織架構
議會:立法會
司法機構
  • 香港法律制度
  • 香港法例
獨立法定機構
地方行政
相關機構
選舉
政黨
香港民主運動
中共香港事務機構
中共駐香港機構
香港對外事務機構
香港軍事
香港榮譽制度
其他香港系列
文化 - 經濟
歷史 - 地理 - 教育
香港主題

各國政治 • Portal:政治
  討論  編輯  

香港公營機構即係指由香港政府出錢成立同營運嘅半官方機構,佢哋負責特訂公共服務,或者需要較多社會人士參與嘅工作,不過就唔算係政府部門

呢啲機構多數(唔係全部)都係根據法例成立(喺呢個情況入面又可以叫做法定機構法定組織)。雖然佢哋嘅職能同政府部門好似,但唔屬於政府體系,成員亦唔算係公務員,所以會比起政府部門有較多自主權;同時又為咗確保政府對佢哋有影響力,所以主要決策者都係由政府或行政長官邀請社會人士擔任(多數係義務性質)。有啲機構雖然以商業模式運作,甚至已經上市,不過主要資本仍然屬於政府(好似地鐵有限公司九廣鐵路公司),咁都仍然算係公營機構。

注意:公營機構同公用事業係有分別。公用事業係指提供重要公共服務嘅機構(好似電力電話運輸煤氣等),佢可以由私人擁有,並以盈利為目的。

職能

可分為幾類:

  • 負責特定公共服務:例子有制訂公共房屋政策嘅香港房屋委員會、管理香港國際機場香港機場管理局、調查同調解歧視事宜嘅平等機會委員會等,或重要嘅公共服務(例子:九廣鐵路公司)。
  • 執行某啲監管職能:例子有地產代理監管局、物業管理業監管局、香港藝術中心監督團、保險業監管局、旅遊業監管局、證券及期貨事務監察委員會、強制性公積金計劃管理局。
  • 作為政府嘅諮詢機構,為政府提供意見:例子有公共圖書館諮詢委員會、粵劇發展諮詢委員會、郵票設計諮詢委員會、促進種族和諧委員會、方便營商諮詢委員會、公務員培訓諮詢委員會、長遠房屋策略督導委員會、基本法推廣督導委員會、調解督導委員會、醫院管理局檢討督導委員會、優質教育基金督導委員會、防疫抗疫基金督導委員會、人口政策督導委員會、職業安全健康局、競爭事務委員會
  • 按法例需要成立嘅上訴委員會或審裁處:例子有上訴委員會 (遊戲機中心)、上訴委員會 (床位寓所)、上訴委員會 (博彩稅條例)、上訴委員會 (會社(房產安全))、上訴委員會 (旅館業)、上訴委員團 (機動遊戲機(安全))。
  • 某啲地區組織

財政來源

可分為兩類:

外部連結

#