青年新政

青年新政（Youngspiration，簡稱青政），係香港本土派政治組織，2015年成立，成員大部份都係廿幾歲後生仔女，立場係民族自決派。

青年新政參與2015年香港區議會選舉，參選九個選區，當中焦點係喺黃埔東選區挑戰雙料議員梁美芬嘅後生女游蕙禎，不過最終游輸咗三百票，而九個候選人入面得黃埔西嘅鄺葆賢一個贏到。

2016年6月初，鄺葆賢因理念唔夾而退出青年新政，令到青政暫時失去議會議席。不過，隨住梁頌恆、游蕙禎喺第6屆香港立法會選舉循地區直選取得立法會議席，青政又有番議會議席。

2016年10月12號，游蕙禎同梁頌恆喺立法會宣誓嗰陣將中國講成「支那」，佢哋解釋係口音問題，引嚟社會抨擊[1]。

其後，游蕙禎、梁頌恆被高等法院裁定議員資格無效，青政嘅議會議席得而復失。

著名成員

前成員

參考

  1. ↑ Kayue (2016-10-13). "如果「支那」沒貶意，青年新政議員何不大方承認自己讀「支那」？". 關鍵評論網. 喺2021-02-09搵到.

#