選舉

系列文章
政治
基本主題 各國政治 政治經濟學 政治史 世界政治史 政治哲學
政治體系 無政府主義 城邦 民主制 聯盟制 封建制 獨裁制 委員會制 精英政治 君主制 議會制 總統制 半總統制 神權政治
學術門類 政治學（政治學家） 國際關係學（理論） 比較政治學
公共行政 官僚制（基層） 靈活組織機構
政策 公共政策（原則） 公共利益 外交政策
政府機構 權力分立 立法機構 行政機構 司法機構 選舉機構
相關主題 主權 政治行為理論 政治心理學 生理與政治導向 政治組織
下屬系列 選舉制度 選舉（投票） 聯邦主義 政府 意識形態 政黨
政治主題

選舉（英文：Election），係一種正式嘅決策過程，喺呢個過程裡面會由選民投票，選出某個職位嘅擔當人選，或者作出某項適用於成個組織嘅決定。所以，選舉嘅性質係有別於其他選擇方法，例如比賽篩選、隨機決定或者市場決定。

喺實行代議民主制嘅國家同地區，會透過選舉決定議會成員、國家元首同政府首腦（總統、總理、首相）嘅相關人選，亦會用佢來選出地方政府嘅行政官員。另外，民間團體、學校同埋公司，一般來講亦都採用選舉作為人事決策嘅手段。

選舉又可以分為大選同補選，前者通常係定期進行而且選出一個政治機關嘅全部／大部份空缺，後者就只會選出一個或者少量嘅空缺。

內容

選舉資格

投票權（邊個可以投票）係選舉嘅中心議題。選民唔一定包括全部公民：所有國家都有投票最低年齡嘅限制，而且某啲人口係排除喺選舉之外。

喺某啲國家，法律規定公民必須履行投票嘅義務，如果有資格投票但刻意唔參與，就有可能被處以一啲懲罰，例如小額罰款或者拘役。