蔣志偉

蔣志偉同佢嘅助選團

蔣志偉英文Tandon Lal Chaing, Stanley1954年—)係香港落馬洲中港貨運聯會主席,2007年香港立法會港島選區補選候選人之一 。

簡歷

貨運業

蔣志偉做緊貨運業,主要關於經落馬洲來往中國大陸香港兩地嘅貨車貨運。近年佢做咗落馬洲中港貨運聯會主席,致力關注運輸業界嘅權益。

參選立法會

蔣志偉嘅競選橫額

2007年8月,香港立法會港島選區議員馬力病死咗,佢嘅席位需要進行補選2007年10月25號,蔣志偉開記者會宣佈參選,成為八名候選人之一。蔣志偉參選目的係為咗社會公義,自稱冇政黨包袱。佢參選嘅三大關注範疇包括捍衛基層福利、關注中產權益,同監察政府施政[2]。對於在多次民調中嘅支持度遠遠被兩位知名度較的嘅候選人葉劉淑儀陳方安生遠遠拋離,佢仍相信自己有機會贏 [3]

響寄畀港島區選民嘅政綱中,蔣志偉感慨香港社會唔公義,弱勢社群包括香港中產階級,未能分享經濟改善嘅成果,香港政府偏袒大財團、政策傾鈄、乏公平競爭,例如香港燃料重稅,打擊香港運輸同香港物流業,令百萬同業上絕路司機乘客同家用燃料用者負重。 更痛心疾首者係政爭同黨爭人士為咗拗民主而荒廢民生。蔣志偉就係要爭番公義。

最後蔣志偉得到 3,518 張選票,係總票數嘅 1.10%,輸咗。得票排名第三,僅次於兩大熱門陳方安生葉劉淑儀[4]。佢批評今次選舉變成咗政治勢力嘅角力,而唔係挑選有質素嘅候選人,又話會考慮再參選,但不會再揀港島區[5]

參考

  1. "2007年香港立法會港島選區補選: 蔣志偉官方網址". 原著喺2007年11月27號歸檔. 喺2007年12月1號搵到.
  2. 蔣志偉報名參選立法會補選 互聯網檔案館歸檔,歸檔日期2007年10月27號,.,明報,2007年10月26號
  3. 倡公平競爭法 蔣志偉自信能贏兩太明報,2007年11月11號
  4. "2007年立法會香港島地方選區補選結果". 原著喺2008年2月6號歸檔. 喺2007年12月4號搵到.
  5. 蔣志偉 不滿輸給香港貴族 互聯網檔案館歸檔,歸檔日期2007年12月13號,.,明報,2007年12月4日

連結