番禺

呢篇文講而家廣州市下轄嘅一個區。搵緊以前嘅建置嘅話，請睇「番禺縣」。

番禺區
餘蔭山房
地圖
番禺區喺廣州市內嘅地理位置
明細
普通話拼音	Panyu Qu
所屬地級政區	中國廣東省廣州市
政區類別	市轄區
成立	2000年
政府駐地	市橋街道清河東路319號
面積
- 全部	530 km2（200 sq mi）
街道辦事處數目	10
鎮數目	6
郵政編碼	511400
電話區號	020
時區	中國時區：UTC+8
網站： [1]

番禺（番讀潘，粵拼：pun1 jyu4）喺中國廣東嘅珠江三角洲，原本寫做蕃禺。佢家下係廣州市一個市轄區，叫番禺區，區治市橋。佢面積1314.8平方千米，2005年人口96萬。

番禺自秦經已係縣，叫番禺縣。民國以前，家下廣州城區兼南北，都係番禺縣嘅地方，比而家大好多。而番禺個名，就因為近省城有番山同禺山而名。^[1]

地理

山

番禺有山叫浮蓮崗，又叫浮練或者浮蓮岡。舊縣去到白雲山。^[1]

水

南海石門水流入番禺珠江，向東南行，畀長洲分兩邊，然後再會合。再向東南入波羅江，左邊同東江會合，係三江口。再向東南就係獅子洋，同沙灣水夾埋入海。^[1]

史

番禺響唔同時代有唔同範圍，番禺、廣州、南海都係交錯重疊。

番禺最初係秦國始皇帝時期征服嶺南之後起嘅城，統治新開嘅南海郡。個城就正正響今日廣州裏面。秦國滅亡，趙佗自立為王，建南越國，番禺成為國都。後來西漢武帝時期，漢軍打入番禺，消滅咗南越國。

三國時代，吳國將合浦以北立做廣州。不過呢個廣州呢個一向只係州名，而呢帶都係叫番禺。之後圍住廣州城一帶都叫番禺，而番禺縣治所就響城內，直至中華民國初期。

大清響獅子洋處有獅子營，而西便有永靖營，黃埔有魚雷營，有船塢。另外重有慕德里、鹿步、沙灣、茭塘四個巡檢司。有番禺、五羊兩站。東便有廣九鐵路，西北有粵漢鐵路 ^[1]。

中華民國時期，1921年廣州設市，番禺縣就淨係管廣州以南一帶，縣治搬去市橋。西面係順德，南面係中山。到中華人民共和國時期，縣治就搬咗去市橋。1992年變成縣級市番禺市（行政區代碼440181）。2000年5月21號併入廣州市，成為番禺區，原市所有分區都歸入番禺區。2005年，番禺分出東南面一角，另立廣州市南沙區。

政區

• 政府駐地：清河東路319號
• 轄6鎮10街道：市橋街道、鍾村街道、石壁街道、大石街道、洛浦街道、大龍街道、東環街道、橋南街道、沙頭街道、小谷圍街道、沙灣鎮、南村鎮、新造鎮、化龍鎮、石樓鎮、石碁鎮

識別信息

• 區劃代碼：440113
• 郵政編碼：511400
• 電話區號：020
• 車牌代號：粵A

經濟

番禺歷來都係響廣東中心，而地又肥，又近海，所以係比較富庶。所以佢同隔籬南海、順德，並稱三邑，又叫南番順。

教育

喺2012年，番禺嘅教育資源喺廣州十一個市轄區裏頭排第四。

本科

中山大學、華南理工大學、華南師範大學、廣州中醫藥大學、廣東外語外貿大學、廣東工業大學、[ [廣州大學]]、廣東藥學院、廣州美術學院、星海音樂學院、廣東工業大學喺番禺小谷圍（廣州大學城）都設有校區。而喺大學城二期建設入面，暨南大學、廣州醫學院等五所高校都將會落戶番禺。

專科

廣州番禺職業技術學院（番禺理工學院）、番禺廣播電視大學、廣東女子職業技術學院、廣東文藝職業學院、廣州科技貿易職業學院等。

中學

廣東仲元中學、廣東番禺中學、番禺實驗中學、禺山高級中學、象賢中學、石北中學、洛溪新城中學、星海中學、番禺執信中學、華師附中番禺學校、祈福英語實驗學校、東風中學、橋城中學、僑聯中學、橋興中學、沙頭中學、石碁中學、石碁第二中學、石碁第三中學、石碁第四中學、鐘村中學、大石中學、象聖中學、象達中學、象駿中學、石樓中學、石樓第二中學、蓮花山中學、海鷗學校（中學部）、南村中學、化龍中學、奧園實驗學校（中學部）等。

職業學校

比較知名嘅有新造職業技術學校、番禺職業技術學校。

景區

全國重點文物保護單位

• 餘蔭山房
• 蓮花山古採石​​場
• 德、康二陵

AAAAA景區

• 長隆旅遊度假區

AAAA景區

• 蓮花山旅遊區
• 寶墨園

其他景區

• 留耕堂
• 大夫山森林公園
• 滴水岩​​森林公園
• 嶺南印象園
• 廣東科學中心
• 南粵苑

交通

地鐵

• 廣州地鐵2號線：洛溪站、南浦站、會江站、石壁站、廣州南站
• 廣州地鐵3號線：廈滘站、大石站、漢溪長隆站、市橋站、番禺廣場站、海傍站
• 廣州地鐵4號線：大學城北站、大學城南站、新造站、石碁站、海傍站、低涌站
• 廣州地鐵7號線：廣州南站、石壁站、謝村站、鍾村站、漢溪長隆站、南村萬博站、員崗站、板橋站、大學城南站

未起好嘅線路同車站：

• 廣州地鐵4號線：官橋站

同時，亦有規劃3號線東延段、7號線二期、8號線東延段、12號線、17號線、18號線經過番禺。

大型交通樞紐

廣州南站、廣州南站汽車客運站、番禺汽車客運站。

高鐵

• 廣州南站：接駁京廣高鐵、廣深港高鐵、廣珠城際軌道交通、南廣鐵路、貴廣鐵路、廣佛環線（未通）、佛莞城際軌道交通（未通）、廣佛肇城際軌道交通

路

番禺大道、105國道、325國道、華南快速、新光快速、京港澳高速、東新高速、南沙港快速路等。 區內城市主幹道包括: 金山大道（緯線，部分同廣明高速公路並線）興南大道、興業大道、亞運大道、市蓮路、市新路等。

橋

洛溪大橋、沙灣大橋、沙溪大橋、番禺大橋、新光大橋、黃埔大橋、北斗大橋、海鷗大橋、三善大橋同埋虎門二橋等橋。

水路

喺東部石樓鎮設有蓮花山港跨境碼頭，每日有好多班船往返香港尖沙咀中港碼頭，船程大概係1小時50分。中國海關廣東番禺分局、蓮花山邊防派出所喺度設蓮花山港口岸同邊防檢查站

喺番禺嘅密集河網中，都有喺河兩岸渡船嘅定期渡輪，包括新造（圩）到大學城渡口，南沙欖核到番禺沙灣嘅北斗渡口等。 但隨住過江交通方式嘅不斷完善且漸趨現代化同埋各種優勢喺度領先于日常交通運輸，渡輪依種交通方式喺番禺正日漸息微。

名人

文化學術界

屈大均、陳澧、陳樹人、冼星海、吳大猷、凌鴻勛

政商界

何善衡、霍英東、霍震霆、何賢、何厚鏵

演藝界

陳百祥、陳慧嫻、梁鼎芬、吳啟華、吳君如、許志安（籍貫化龍鎮潭山村）、謝賢、謝霆鋒、麥翠嫻、邱淑貞、李彩樺、葉童、樊亦敏、張家輝、蒙嘉慧、譚小環、彭羚、鄭少秋、石堅

註

1. ↑ ^{1.0 1.1 1.2 1.3} 清史稿。志、地理、廣東

出面網頁

• "番禺地形".