樂昌

樂昌（粵拼：lok6 coeng1）喺中國廣東，家下係韶關市下便一個縣級市，叫樂昌市。佢以前係個縣，叫樂昌縣。

地理

山

樂昌山地爲主，東便係昌山，所以叫樂昌。北便有桂山。東北有冷君山。而西北有九峯山^[1]。

水

武水喺樂昌西便，又叫虎溪，古時叫溱水，由湖南臨武流出，東北到宜章。屈向南，入樂昌西北境，武陽溪由乳源東流合埋。屈向東南，過藍毫山，叫三瀧水，同羅渡水、九峯水合埋。過治西南，蓮花江分流注入。又向東，屈向南，左納長垑水，右納楊溪水，入曲江^[1]。

史

秦國置南海郡，樂昌之地在其下。公元五零八年，梁國析曲江縣地置梁化縣。隋開皇十八年，卽五九八年，改名樂昌縣。

大清時樂昌縣歸韶州府，有九峯、羅家渡二巡司。有粵漢鐵路經過呢度^[1]。

中華人民共和國時，卽一九九四年，改縣爲市，名樂昌市。

註