字詞

搵緊第二個意思嘅話，請睇「字 (搞清楚)」。

字嘅古今意思有異。

古義

「字」係文字嘅組成部分，係意思嘅基本部份。有啲有基本意思，未必成字，例唐文拆字細件，或者英文字綴。字可以組成一句嚟讀，一句讀組成辭^[1]。古時嘅「字」同現代嘅「詞」，意思部分重疊^[2]。

華夏講字，有兩重意思，一種為單字，逐個單字理解，如說文咁，解林單字，「平土有叢木曰林。」另一種唔理單字定多字，按意思為一字，好似爾雅咁，釋訓有「明明斤斤，察也」，明明斤斤視為一字。又釋天，「大歲在寅曰攝提格」，「攝提格」為一字咁。

按周禮後人加註，「古曰名，今曰字。滋益而名，故更曰字。」上古叫字做名，叫字因為佢衍生繁多。亦即事物畀得名就係字，無話單個定多個。近世或有唔明解，或想將兩者分開，改叫辭，或叫詞，反而造成混亂。辭同詞經常通假，然意思各異，之不過，都同講嘢有關。不過都無拆細基本元素嘅意思。辭同詞，一句又得，長到成篇咁又得，如楚辭、陳辭、宋詞、曲詞。

今意

喺語言學上，「字」喺中文係書寫單位，各佔一個方塊，有幾千個常用，數以萬計或更多個少見，詞／詞語係意思單位，多數由一至幾個「字」組成^[3]。喺拼音文字當中，書寫單位叫「字母」，意思單位叫「字」、「詞」或「詞語」——以上三者喺本句之中同義。^[4]

字切割

字切割（word segmentation）係指「將一段字切割做一隻隻字」嘅工作，對自然語言處理好重要。喺英文等嘅文字當中，字切割好簡單，因為呢啲文字每隻字之間都有空格，不過喺粵文同中文等唔興用空格嘅文字裏面就撈絞啲。

參攷

  呢篇字係一篇關於語言嘅楔位文章。你可以編輯呢版充實內容。