地級市

地級市（粵拼：dei6 kap1 si5）係中華人民共和國嘅一類地級政區，喺行政架構上屬第二級，同類嘅地級政區重有地區、自治州、盟。「地級市」嘅意思係「地區級城市」，佢係介乎於省級同縣級之間。喺1983年11月5號成立第一批地級市。

概況

大部分嘅地級政區都係地級市。喺中國大陸22省5個自治區當中，得3個省（貴州、雲南、青海）2個自治區（新疆、西藏）有超過三個嘅非地級市嘅地級政區。

地級市之下可以轄有市轄區、縣級市、縣。

大部分地級市係由地區改過來嘅，設立條件如下：

有啲地級市可以好大，比如保定（河北）、周口同南陽（河南）、臨沂（山東）呢啲地級市嘅人口就超過直轄市天津。

其中有15個地級市因為發展得好有影響力，就升級爲副省級市，亦即啲權多過尋常嘅地級市。不過石家莊、鄭州作爲最大嘅地級市，佢哋嘅人口都接近甚至超過好多嘅副省級市。此外重有副地級市，佢哋原本係縣級市，但係因爲發展得好，亦有相當接近地級市嘅權限。