九龍坑山

九龍坑山
九龍坑山.jpg
九龍坑山。山頂有發射站
海拔 440(1,444英尺
位置 Flag of Hong Kong.svg 香港新界北部
座標 22°28′33″N 114°10′14″E / 22.475892°N 114.170519°E

九龍坑山Kau Lung Hang Shan),英人叫佢做雲山(英文:Cloudy Hill),係香港,高四百四十米。佢喺新界東北,係一脈諸山之中嘅西南角。佢喺正大埔新市鎮嘅北面。

九龍坑山上面,並無民居。區域行政上,佢歸大埔區下面嘅康樂園選區。

九龍坑山個名,源自山西腳底,有九龍坑圍村而名。

地理

新界東北,係山脈諸地帶,而九龍坑山,就喺山脈嘅東南角。九龍坑山,西同南都係平原,喺大埔林村大窩粉嶺上水嘅平原中,一支獨秀,同大窩另一邊北大刀岃,相對而侍。而山脈一邊,東北接石坳山、黃嶺八仙嶺等等,一直指向大鵬灣。而山脈以南,亦有沙螺洞、平山仔等半山谷地。

九龍坑山亦可一覽各地平原山谷。西同南嘅平原,南叫大埔,西叫大窩。而大窩以北,就有粉嶺、上水平原。佢同北大刀岃之間平原河谷,係平原間嘅通衢。火車有九廣鐵路穿越,而馬路舊時亦大埔公路,如今則有粉嶺公路、大窩支東路同大窩支西路連貫。

南望遠處,可見香港第一高山,卽係大帽山

由山東南望,近見大埔海,遠見船灣海,極目可見赤門沙田海船灣海大埔海,島仔星羅棋佈。過大埔海見馬鞍山

第二次世界大戰時,英軍曾經註守九龍坑山,以抗日軍。

生態

九龍坑山,有好多唔同自然生境,好似灌木叢同草地。好多登峰蝴蝶同埋罕見嘅蝴蝶,都有機會見到,包括寬帶青鳳蝶、窄斑鳳尾蛺蝶、電蛺蝶同金斑蛺蝶[1]。而有紀錄嘅,都有六十八種咁多[2]

而罕見嘅候鳥丘鷸,亦曾見於九龍坑山[3]。同樣少見嘅塘尾,國姓異春蜓,亦見於九龍坑山[4]

發射站

Cloudy Hill 202103.jpg

九龍坑山因爲一支獨秀,高於各聚居地,係起發射站或者山頂轉播站嘅好地點。佢好早就有電臺電視臺發射站。後尾因爲數碼電視廣播,擴建發射站。站分佈山頂東西,訊號可到馬鞍山大埔大埔海粉嶺上水羅湖等地[5]

電臺方面,香港三間主要電臺,都有喺九龍坑山起發射站,家下全部都係特高頻兼調頻(FM)廣播,但呢個站唔係乜臺都有[6]商業電台商業一台,山上以八十八點三兆赫廣播,而商業二台就九十點七兆赫。香港電台香港電台第一台,用九十三點二兆赫; 香港電台第二台,用九十五點三兆赫;香港電台第四台,用九十七點八兆赫。新城電台新城知訊台,用一百點零兆赫;新城財經台,用一百零四點七兆赫。

電視臺方面,香港兩間主要無綫電視臺,無綫電視亞洲電視,都有發射站,遍及各臺。模擬同數碼電視都有。數碼電視功率,同慈雲山發射站有得比[7]

行山

九龍坑山亦係行山勝地。山嘅西北部份,劃入咗八仙嶺郊野公園,山頂有牌指示,所以西發射站係郊野公園範圍,而東發射站就唔係。香港政府亦開咗衞奕信徑,途經九龍坑山頂,頂南係第八段尾,頂北係第九段頭。山頂可以去唔同地方,西南沿山脊隔火帶,可以去大埔頭,入大埔市區,同東南轉東而行,可入康樂園,轉西,就到大埔南坑。東行落山,可以到九龍坑老圍、九龍坑新圍同元嶺。北行經流水響郊遊徑,入流水響或者鶴藪。西行,經大埔郊野步行徑,落到山中谷地沙螺洞,東去八仙嶺,或者轉南而行,落到山腳鳳園

交通

九龍坑山有車路上山,由九龍坑上。車路亦可以到流水響。車路起來維修發射站之用。

  1. "九龍坑山介紹". 原著喺2017年3月25號歸檔. 喺2011年7月9號搵到.
  2. "九龍坑山紀錄". 原著喺2016年3月4號歸檔. 喺2011年7月9號搵到.
  3. "丘鷸".
  4. "國姓異春蜓".
  5. "數碼地面電視覆蓋範圍" (PDF). 原著 (PDF)喺2011年7月21號歸檔. 喺2011年7月9號搵到.
  6. "香港聲音廣播服務頻率表" (PDF). 原著 (PDF)喺2011年11月1號歸檔. 喺2011年7月9號搵到.
  7. "香港電視廣播網絡" (PDF). 原著 (PDF)喺2007年9月27號歸檔. 喺2011年7月9號搵到.